HINARANA ni Megastar Sharon Cuneta ang Pangulong Ferdinand “Bongbong” Marcos Jr. At First Lady Liza Araneta-Marcos sa “Evening with the Stars” nitong Huwebes ng gabi, Pebrero 12 sa Foro de Intramuros sa Maynila.
Pero bago rito, biniro nito ang Pangulo tungkol sa diumano’y maling pagpili nito ng bise presidente.
“I’m happy to be here Sir, and Sir, I have only one vice president… my date tonight,” hirit ni Sharon tungkol sa kanyang asawa, si Sen. Francis ‘Kiko’ Pangilinan na lumaban bilang bise presidente noong 2022 pero natalo ni VP Sarah Duterte.
“Mali your choice, no?! Sorry, okay, okay, okay let’s move on,” dagdag niya.
Tawanan ang audience sa wrong VP joke ni Sharon.
Pero kasunod nito, sa pamamagitan ng Instagram ay nanawagan ang megastar ng suporta para sa Pangulo.
Aniya, “So much going in in our country, most of them bad. Let us let the President do his job and complete his work before we allow ourselves to judge him. It is our country we need to prioritize now. God bless the Philippines.”
Kaugnay nito, natanong ang Presidential Spokesperson na si Atty, Claire Castro, tungkol sa pagbibiro ni Sharon sa Pangulo sa maling pagpili nito ng VP niya noong 2022 elections.
Pahayag ni Atty. Claire, “Kung iyon po ang opinyon ni Ate Shawie, ni Miss Sharon Cuneta at malamang karamihan sa ating mga kababayan ay ‘yan din po ang nararamdaman. So opinyon po ‘yun ni Miss Sharon Cuneta at nakita po natin na napangiti lamang ang ating Pangulo.”
The post Sharon nanawagan ng suporta para kay PBBM matapos ang ‘wrong VP’ joke nito appeared first on Journal News Online.
