ANG Konsul Heneral ng Pilipinas sa New York na si Senen T. Mangalile ay lubos na nagpasalamat sa mga miyembro ng Rotary Club ng New York (RCNY) nang naging tagapagsalita ito sa ikatlong sesyon ng The World Meets in New York: A Consular Speaker Series noong ika-17 ng Pebrero, 2026 sa Turkish House.
Sa harap ng mga lider ng negosyo, mga ehekutibo ng non-profit, at mga opisyal ng konsulado, tinalakay ni Konsul Heneral Mangalile ang istruktura ng pulitika ng Pilipinas, mga haligi ng patakarang panlabas, mga prayoridad sa pag-unlad, at estratehikong papel ng bansa sa Timog-Silangang Asya, lalo na ang mga estratehikong layunin ng bansa bilang Tagapangulo ng ASEAN ngayong taon.
Nagbigay din siya ng pahayag para sa pagdiriwang ng ika-80 anibersaryo ng ugnayang diplomatiko sa pagitan ng Pilipinas at Estados Unidos ngayong taon.
Si Konsul Heneral Mangalile ay tinanggap bilang Honorary Member ng Rotary Club ng New York.
Bilang isang miyembro ng Rotary Club of Manila (RCM), nagpalitan ng mga banner sina Mangalile at Ginoong Cemil Mujdat Altay, Pangulo ng RCNY.
Ang RCNY ay itinatag noong 1909, ang ikaanim na Rotary Club sa mundo.
Ang RCM ang kauna-unahang Rotary Club sa Asya na itinatag noong June 1, 1919.
Ang serye ng mga tagapagsalita, ay inayos ng RCNY at sinusuportahan ng Society of Foreign Consuls (SOFC) at ng Consulate General ng Turkiye sa New York.
Pinagsasama-sama ang mga Consul General na naglilingkod sa New York, Rotarians, at ang business community upang maibahagi ang iba’t ibang pananaw sa mga pandaigdigang gawain, bilateral na relasyon, at kanilang internasyonal na diplomasya, at ang kani-kanilang mga bansang pangkultura sa United States. People’s Tonight Los Angeles Correspondent
The post Konsul Heneral ng PH sa NY Mangalile ibinahagi prayoridad ng PH sa Rotarians appeared first on Journal News Online.
