CAMP GEN. MARIANO N. LLANERA, Cabanatuan City–Limang suspek sa magkakaibang kaso ang naaresto ng mga pulis sa Nueva Ecija noong Linggo.
Sa lungsod na ito, natiklo ang pinaghihinalaang magnanakaw ng motorsiklo na si alyas Don Facundo na naaresto ilang oras matapos nakawin ang motorsiklo at nag-post sa FB na ibinebenta ang kanyang ninakaw.
Nakumpiska ng mga pulis sa suspek ang 5.35 na gramo ng shabu na nagkakahalaga ng P36,380.
Tatlong drug traders naman sa Cuyapo at Cabanatuan ang nahuli.
May kabuuang 18.19 na gramo ng shabu na nagkakahalaga ng P123,692 ang nasabat sa mga operasyon.
Sa Brgy. Talabutab Sur, General Mamerto Natividad, nahuli ng pulisya si alyas Laki, 60, sa bisa ng warrant of arrest para sa kasong other forms of swindling.
The post Tirador ng motor, tulak nalambat sa NE appeared first on Journal News Online.
