INARESTO nitong Huwebes ng National Bureau of Investigation-Fraud and Financial Crimes Division (NBI-FFCD) ang isang lalaki sa Makati City dahil sa grave coercion at paglabag sa Republic Act. 9262 (Anti-Violence Against Women and Children) at R.A. No. 9995 (Anti-Photo and Video Voyeurism Act of 2009), na may mga kaugnayan sa R.A. No. 10175 (Cybercrime Prevention Act of 2012).
Nagresulta ang kaso sa reklamong inihain ng biktima sa NBI-FFCD laban sa dati nitong nobyo.
Inakusahan ng nagrereklamo na ipinasa ng kanyang dating nobyo ang kanilang mga intimate na video sa kanyang kaibigan at nagbanta na ibabahagi ito sa iba kung tumanggi itong makipagkita sa kanya at makipagtalik.
Dahil dito pinayuhan ng mga ahente mula sa NBI-FFCD ang biktima na makipagkita sa suspek at dito magsasagawa ng entrapment operation.
Nakipagkita ang biktima at sumama sa suspek. Dito na ikinasa ang entrapment operation at pumasok ang mga ahente ng NBI-FFCD sa silid kung saan dinala umano ng suspek ang biktima.
Positibong kinilala ng complainant ang suspek na nagbanta sa kanya.
Agad na inaresto ng mga ahente ang suspek at kinuha ang mobile phone ng nito na naglalaman ng mga video na pinag-uusapan.
“Ang operasyong ito ay hindi lamang sumasalamin sa dedikasyon ng NBl sa pagtataguyod ng panuntunan ng batas kundi nagtatampok din sa kanilang pangako sa pagprotekta sa mga mahihinang indibidwal, lalo na sa mga kababaihan mula sa iba’t ibang uri ng pang-aabuso at pagsasamantala,” NBI Acting Director Atty. Angelito D.L.P.S)
The post EX-BF SA BEBOT: SEX O IKALAT KO VIDEO MO? appeared first on Journal News Online.
